+30 °С
Болотло
Йәмғиәт
30 Июнь 2023, 05:00
Радий Хәбиров Башҡортостан халҡына Рәсәй-Белоруссия форумы көндәрендә ҡунаҡсыллыҡ өсөн рәхмәт белдерҙе
Рәсәй һәм Беларусь төбәктәренең Х юбилей форумына йомғаҡ яһап, Башҡортостан Башлығы Радий Хәбиров социаль селтәрҙә сараның планлаштырылғанса үтеүен билдәләне, шулай уҡ Өфө һәм республика халҡына рәхмәт белдерҙе.
Радий Хәбиров Башҡортостан халҡына Рәсәй-Белоруссия форумы көндәрендә ҡунаҡсыллыҡ өсөн рәхмәт белдерҙе
«Фестивалдә ҡатнашырға килгән республикабыҙ халҡына айырым рәхмәт һүҙҙәрен еткерәм. Ә өфөләргә – ҡунаҡсыллыҡ өсөн рәхмәт», - тип яҙҙы Радий Хәбиров.
Республика үҙен Рәсәйҙең ошондай кимәлдәге сараларҙы ҡабул итә белгән ҡунаҡсыл һәм сағыу төбәге итеп күрһәтте, тип билдәләне ул.
«Эшлекле һәм мәҙәни программаларҙан тыш, ҡунаҡтарға Өфөнөң, Башҡортостандың матурлығын күрһәтә алдыҡ. Улар һәйкәлдәргә, музейҙарға, беҙҙең аш-һыуға һәм традицияларға һоҡланыуын йәшермәне. Форумды әҙерләгән командабыҙҙың эшен юғары баһалаған өсөн Рәсәйҙең Федерация Советы рәйесе Валентина Ивановнаға рәхмәт. Ул сараны ойоштороуҙа ҡатнашҡандарҙың барыһына ла, шул иҫәптән көмөш ирекмәндәргә лә рәхмәт әйтте. Беларусь Республикаһының Милли йыйылышы Советы рәйесе Наталья Ивановна Кочановаға һәм ошо илдең делегацияһына хеҙмәттәшлек мөмкинлектәре һәм йылы мөнәсәбәттәр өсөн рәхмәт», - тип билдәләне Башҡортостан Башлығы.
Радий Хәбиров төбәк-ара, шул иҫәптән иҡтисади хеҙмәттәшлекте үҫтереү йәһәтенән форумдың әһәмиәтен баһаланы. Өфөлә 100-ҙән ашыу килешеүгә һәм меморандумға ҡул ҡуйылды, шуларҙың өстән бер өлөшө – Башҡортостан яғынан.
«Республика Минскиҙағы коллегалары менән дәүләт һәм муниципаль хеҙмәттәр күрһәтеү өлкәһендә тәжрибә уртаҡлашасаҡ. Минск трактор заводы һәм «Гомсельмаш» менән килешеүҙәр аграрийҙарҙы сифатлы ауыл хужалығы техникаһы менән тәьмин итәсәк. Киләсәктә МТЗ менән берлектә Дүртөйлөлә мини-тракторҙар йыйыу планы бар», - тине Радий Хәбиров.
Башинформ.
