Тел һәм киләсәк!

Шул уҡ ваҡытта халыҡтың әүҙем булыуы, яуаплылығы һөйөндөрә. Мәҫәлән, Стәрлетамаҡ ҡалаһының 3-сө башҡорт теле уҡытыусыһы Гөлназ Бикҡолова улы Филүс менән килгән.

- Балам күреп үҫһен. Өйҙә лә, эшемдә лә һәр ваҡыт йәш быуын үҙенең хоҡуҡтарын һәм бурыстарын белһен, өйрәнһен тип эш алып барам. Бына бөгөн Филүс менән килдек тә башҡортса бюллетен менән һайланыҡ, - тип һөйләп үтте Гөлназ Кәбир ҡыҙы. Был уҡытыусыға афарин тип әйтергә генә ҡалалыр. Бер атыуҙа ике ҡуян тигәндәй, йәмғиәттә һайлау һымаҡ гражданлыҡ бурыс хаҡында ла, телебеҙгә ҡарата хөрмәт тураһында ла иҫкә төшөрә.

Әйткәндәй, башҡорт телендә тауыш биреү буйынса бөгөн әүҙем булды. Мәҫәлән, 687-се участокта тауыш биреүсе Рәмзиә Ғөбәйҙуллина ла “Башҡортса, үҙебеҙсә һайланым”, - тип бүлеште. “Ашҡаҙар” гәзите хәбәрсеһе Роза Сафина иһә һәр һайлауҙа ла тик башҡортса яҙылған бюллетендәрҙе тултырғанын әйтеп үтте. Ә инде урындағы башҡорттар ҡоролтайы ағзалары һайлауҙа ҙа, башҡа урында ла һәр ваҡыт башҡортса яҙылған документтар менән эш итергә тигән һүҙ биргән үҙҙәренә.