“Күптән түгел, Рәсәй Дәүләт флагы көнөндә Таһир Ғафаров, Андрей Касьянов һәм Дмитрий Касьянов “Набат” һаҡлау ойошмаһы”на махсус хәрби операция зонаһындағы егеттәргә кәрәкле әйберҙәр ебәреү өсөн ике “УАЗ” автомобилен һәм яралыларҙы ташыу өсөн носилкалар алып килде.
Ун беренсе гуманитар конвой ойошторола, фронтҡа оҙатыу өсөн иң кәрәкле әйберҙәр йыя башлайбыҙ һәм беҙҙең яугирҙар өсөн УАЗ автомобилдәрен ремонтлап әҙерләп ҡуйыу талап ителә.
Ә “СтәрлетамаҡВодоканалСтрой” яуаплылығы сикләнгән йәмғиәте директоры Руслан Галин менән “РегионГаз” ЯСЙ директоры Дмитрий Дацук футболкалар һәм УАЗ-икка запас частар менән ярҙам итте. Шулай уҡ, ҡалабыҙҙың нотариустар командаһына рәхмәт еткергебеҙ килә.
Еңеү беҙҙең яҡта буласаҡ! Артабан эшләйбеҙ!” – тип яҙа етәксе үҙенең сәхифәһендә.
Беҙ, тылдағылар ҙа ошо изге теләктәргә ҡушылабыҙ. Махсус хәрби операциялағылар өсөн ярҙам итеүселәрҙең барыһына ла, битараф булмағандары өсөн, оло рәхмәтлебеҙ! Ә яугирҙарыбыҙға иҫән-һау үҙ ғаиләләренә әйләнеп ҡайтһындар тип теләйбеҙ.
Р.ЙӘЛИЛЕВА.