+20 °С
Болотло
Йәмғиәт
17 Ноябрь 2023, 12:12
Иң-иңдәр иҫәбендә беҙ!
Стәрлетамаҡ "Иң яҡшы муниципаль практика" Бөтә Рәсәй конкурсы призёрҙары иҫәбенә инде.
Беҙ ҡала округтары һәм ҡала биләмәләре араһында “Муниципаль иҡтисади сәйәсәт һәм муниципаль финанстар менән идара итеү” номинацияһында 4-се урын алдыҡ, - тип уртаҡлаша шатлыҡлы яңылыҡ менән Стәрлетамаҡ ҡалаһы мэры үҙенең социаль сәхифәһендә. – Конкурстың һөҙөмтәләрен Рәсәй Хөкүмәте вице-премьеры Марат Шакирйән улы Хөснуллин уҡып ишеттерҙе.
Конкурсҡа 5 номинацияла Рәсәйҙең 78 төбәгенән 1300 ғариза бирелгәйне. Номинацияларҙың һәр ҡайһыһында – беренсе категорияла 5 призер (ҡала округтары һәм ҡала биләмәләре) һәм икенсе категорияла 5 призер (ауыл биләмәләре) билдәләнде. Беренсе категорияла: 1-се урында Сызрань, 2-се урында – Владивосток, 3-сө урында Ҡазан ҡалалары. Стәрлетамаҡтан ҡала, 5-се урында – Хабаровск ҡалаһы.
Бүләктең суммаһы – 17 миллион һум, ҡаланы төҙөкләндереүгә һәм үҫтереүгә йүнәлтеләсәк.
Р.УСМАНОВА.
Фото ҡала хакимиәте сайтынан алынды.
