Йәмәғәтселек палатаһына яңы ағҙалар өҫтәлде

Рәйесе  Евгения Долгих булған был палатаға педагогтар, юристар, коммерцияға ҡарамаған ойошма  етәкселәре, торлаҡ-коммуналь хужалыҡ, экология, һаулыҡ һаҡлау һәм ҡала тормошоноң башҡа мөһим өлкәләре өлкәһендәге эксперттар инде. Йәмәғәтселек палатаһыны составының ете ағзаһын ҡала хакимиәте башлығы раҫлай, етеһен Башҡортостан Республикаһының Йәмәғәтселек  палатаһы тәҡдим итә, тағы ла  ете йәмәғәтсе өсөн ҡала Йәмәғәтселек  палатаһы ағзалары үҙҙәре тауыш бирә. Республика тәҡдим иткәндәр араһында «Стерлитамакский рабочий» гәзите журналисы Екатерина Яковлева ла бар. Тимәк, беҙҙең ҡала халҡы  хәҙер кешеләр тураһында хәстәрлек күреү, уларҙы берләштереү һәм уларға ярҙам итеү өсөн тағы ла күберәк мөмкинлектәр аласағын гәзит аша  ла күҙәтеп барасаҡ.

– Йәмәғәтселек  палатаһы ағзаларының төп маҡсаты – медиатор булып сығыш яһап, аралаша һәм эш итә белеү тип иҫәпләйем, - тип мөрәжәғәт итте йәмәғәтселәргә ҡала хакимиәте башлығы Рөстәм Ғәзизов. - Власть позицияһын яҡламаҫҡа һәм теге йәки был проблеманы ҡаҡшатырға маташыусыларҙың һүҙенә ҡолаҡ һалмаҫҡа тейеш. Ә бөтәһе араһында үҙ-ара эш итеү һәм был проблеманы хәл итергә мөмкинлек биргән дөрөҫ юлдар табыу – палатаның маҡсаты булып тора.

- Һеҙ үҙегеҙҙең аныҡ фекерегеҙгә эйә булырға тейешһегеҙ. Йәмәғәтселәргә бер кем дә бурыстар ҡуя алмай, йәмәғәтселәрҙе бер кем дә контролдә тота алмай. Улар ҡала үҫешенә йүнәлтелгән һәм ҡала халҡының мәнфәғәттәрен яҡлаған берҙәм ҡала берләшмәһе булараҡ эшләй. әлеге  саҡырылышта яңы ҡыҙыҡлы кешеләр күп, һәм мин ҡалабыҙ өсөн көнүҙәк мәсьәләләр күтәрелер тип ышанам, – тип белдерҙе  Йәмәғәтселек платаһы рәйесе  Евгения Долгих. - Һорауҙар күп, улар тураһында һөйләргә кәрәк, уларҙы хәл итергә кәрәк. Мине кешеләр рухландыра, ә профессиональ янғындан эштең ысын һөҙөмтәләре һаҡлай. Нимә килеп сыҡҡанын күреп, тағы ла күберәк эшләргә теләйем.

-  Йәмәғәт палатаһы эшенең ни тиклем һөҙөмтәле булыуы һеҙгә, уҡыусыларыбыҙға ла бәйле, - тине коллегабыҙ Екатерина  Яковлева ла. Хәтерегеҙгә төшөрәбеҙ: ҡалабыҙҙың Йәмәғәтселек  палатаһы 2013 йылдан эшләй. Республикала беренсе булып булдырылған, ул йәмғиәт менән властың йәнле диалог ҡоралы булараҡ интенсив үҫешә.

Римма ҒӘЛИМОВА.

Фото: Йәмәғәтселек палатаһының сайтынан алынды.