Ҡулдарында төрлө шарҙар,
Майҙан тулы балалар.
Шау-шыу килеп көлә-көлә,
Байрамға ҡыуаналар.
Зәңгәр күктә уйнап оса,
Аҡлы, күкле күгәрсен.
Ҡояшлы матур көндәргә
Ҡыуаналыр, күрәһең.
Баҡсалағы ағастар ҙа
Матур күлдәген кейеп
Ҡаршы алды Май байрамын
Шау сәскәгә күмелеп.
Йырлап килде яҙ байрамы,
Яңы хистәр уятып.
Тулҡынланып типте йөрәк
Өмөт менән ҡыуанып.
Лилиә Ғиматдинова.