+24 °С
Болотло
Йәмғиәт
30 Май 2024, 05:22
ЮХХДИ яңынан Дәүләт автоинспекцияһы булып китте
Рәсәй дәүләт юл хәрәкәте хәүефһеҙлеге инспекцияһының СССР заманындағы элекке атамаһы 26 йылдан һуң яңынан әйләнеп ҡайтты. Хәҙер ул рәсми рәүештә Дәүләт автоинспекцияһы тип йөрөтөлә.
ЮХХДИ яңынан Дәүләт автоинспекцияһы булып китте
Был исем 1998 йылда үҙгәртелгәйне. Ул саҡта атаманы үҙгәртеүҙең рәсми сәбәбен хеҙмәтте яңыртыу һәм уның ыңғай имиджын булдырыу тип атағайнылар.
Совет Дәүләт автоинспекцияһының тарихы 1936 йылдың 3 июлендә, СССР Халыҡ комиссарҙары советы “СССР эшсе-крәҫтиән милицияһының баш идаралығы инспекцияһы дәүләт автмобиль инспекцияһы тураһында”ғы положениены раҫлағандан һуң башлана. Ул саҡта НКВД-ның (Эске эштәр халыҡ комиссариаты) яңы бүлеге – Дәүләт автоинспекцияһы хеҙмәткәрҙәре беренсе сиратта юлдарҙағы авариялар менән көрәшергә тейеш була.
Бынан тыш, улар автотранспортты файҙаланыуҙың техник нормаларын эшләйҙәр, һәм шулай уҡ водителдәр әҙерләү һәм тәрбиәләү өсөн яуаплы булалар.
Р.САФИНА.
