+30 °С
Болотло
Йәмғиәт
19 Июнь 2024, 12:37
ЯБАЙ ЭШСЕ ГЕНӘ БУЛЫП БАШЛАҒАЙНЫМ, ғүмерлек һөнәремә әйләнде
Стәрлетамаҡ үҙенең таҙалығы, төҙөклөгө, йәшеллеккә күмелгән гүзәл ҡала булыуы менән дан тота һәм ситтән килгән ҡунаҡтарҙы хайран итә. Ошо матурлыҡ артында Стәрлетамаҡ “Юл-йәшелләндереү эштәре ремонт төҙөлөш идаралығы” муниципаль бюджет учреждениеһының алһыҙ-ялһыҙ хеҙмәте ятыуы тураһында күптәр бәлки, уйлап та ҡарамайҙыр. Әле һүрәттә һеҙ күргән ҡыҙҙар һәм егеттәр идаралыҡтың 3-сө парк хужалығын хеҙмәтләндереү участкаһы хеҙмәтсәндәре ҡала урамдарын йыйыштырыу, сүп-сарҙан, ҡый-һайҙан таҙартыу, ҡыуаҡлыҡтарҙы тәртипкә килтереү, яҙлы-көҙлө ҡойолоп торған япраҡтарҙы ҡала сүплегенә сығарып ташлау, ҡышҡы айҙарҙа ошо биләмәләрҙе ҡарҙан таҙартыу һәм башҡа эштәр менән мәшғүл. Быйыл ямғыр ҙа ҡойоп ҡына тора, шуға үлән дә шәп үҫә – сабып өлгөрт кенә! Әле беҙ уларҙың үлән сабып йөрөгән сағына тап булдыҡ. Аллеяларҙағы архитектура фигураларын, бюстарҙы таҙа тотоу ҙа – уларҙың иңендә.
ЯБАЙ ЭШСЕ ГЕНӘ БУЛЫП БАШЛАҒАЙНЫМ, ғүмерлек һөнәремә әйләнде
– Беҙҙең участка Элеватор урамынан алып ҡаланың тоташ Көнбайыш биҫтәһен хеҙмәтләндерә. Беҙҙең ҡарамаҡта йәмғеһе 15 биләмә – унда парк, скверҙар, аллеялар, бульварҙар, йәйәү йөрөү зоналары инә, – тип таныштыра үҙҙәренең эш нескәлектәре менән 3-сө участка начальнигы Гөлсәсәк Буранғолова. – Беҙҙең ҡарамаҡтағы биләмәләр ҙур булһа ла, эшсе ҡулдар етешмәү сәбәпле, уларҙы 18 генә кеше хеҙмәтләндерә. Шулай булыуға ҡарамаҫтан, ял көнө тип, байрам тип иҫәпләшеп тормайбыҙ, ҡалабыҙ ялт итеп торһон өсөн ең һыҙғанып эшләйбеҙ, – ти Гөлсәсәк Шәрәфетдин ҡыҙы. – Беҙҙә күпселеге ҡатын-ҡыҙҙар эшләй, ир-егеттәр ҙә бар. Шуларҙың икәүһе миҙгел эшселәре. Беҙ бер ғаилә кеүек татыу һәм берҙәмбеҙ.
Гөлсәсәк ханым үҙе Бөрйән ҡыҙы, Нәби ауылынан.
– Был эшкә осраҡлы ғына килеп эләктем. Декрет ялында ултырғанда күршеләрем ошонда эшләй ине, мине үҙҙәренә эшкә саҡырғас, бер миҙгел генә эшләп ҡарайым әле тип барғайным. Бына хәҙер 93-сө йылдың апреленән бирле 31 йыл инде ошонда эшләп ҡалаға хеҙмәт итәм.
“Ә уға тиклем ҡайҙа эшләнегеҙ?” тигән һорауға ул: “Төп һөнәрем – филолог. Стәрлетамаҡ педагогия институтын уҡып бөткәндән һуң үҙ һөнәрем буйынса аҙ ғына эшләп ҡалдым. Яҙмышымды тап ошо өлкәгә бәйләүемә һис тә үкенмәйем. Ябай эшсе генә булып башлағайным, күп тә үтмәй мастер итеп ҡуйҙылар, ә хәҙер егерме йылдан ашыу инде участка начальнигы йөгөн тартам, – ти Гөлсәсәк Буранғолова ҡәнәғәт йылмайып. – Яратҡан эш – ярты бәхет тигәндәре шулдыр.
Роза ҠОБАҒОШОВА.
Эльдар ФӘТТӘХОВ фотоһы.
Һүрәттә: участкала ир-егеттәр аҙыраҡ булһа ла, төп эштәрҙе уларҙан башҡа күҙ алдына
ЯБАЙ ЭШСЕ ГЕНӘ БУЛЫП БАШЛАҒАЙНЫМ, ғүмерлек һөнәремә әйләнде
