Ер мәсьәләләренә иғтибар арта

 Республика идара итеү үҙәге  оперативкаһында Радий Фәрит улы был мәсьәләлә һығылмалылыҡ тураһында аңлатма бирҙе. Бер яҡтан ер һәм мөлкәт мөнәсәбәттәре министрлығының ерҙе тапшырыу шарттарын ҡатыландырыу буйынса тәҡдимдәре килә. Әммә сауҙаны урап үтеп,  ләкин сифатлы инвестиция проекты булғанда, теге йәки был участканы алыу мөмкинлеге барлығын аңлау ҙа булырға тейеш.

- Ер эшләргә тейеш. Беҙ быйыл предприятиеларға, юридик шәхестәргә талаптарҙы һиҙелерлек кәметтек, улар был ерҙе бюрократияны урап үтеп  алырға теләй. Эйе, моғайын, мутлашыусылар барлыҡҡа килер, әммә мин һеҙгә дөрөҫөн әйтәм: әлегә минең эш осоронда асыҡтан-асыҡ мутлашыусыларҙы осратманым. Бер-ике осраҡта кешеләр ерҙе алырға һәм һуңынан һатырға маташа, әммә был бик ауыр, мин әйтер инем, мөмкин түгел. Беҙ унда ерҙе ни өсөн биреүебеҙҙе аныҡ билдәләйбеҙ, — тине республика башлығы.