Беләҙегеңде ташлама, ташлама бар!

Һайлау участкаларына килгән һәр кемгә бүләктәр уйнатыуҙа ҡатнашыу өсөн QR-билеттар алырға мөмкин. Бының өсөн республикала йәшәүсе тауыш биреүселәр ирекмәндәрҙән тауарҙарға һәм акция партнерҙарының хеҙмәттәренә ташлама  хоҡуғы биреүсе беләҙектәр ала ала.

 Акция сиктәрендә ташламалар яһарға әҙер булған ойошмалар исемлегенә дарыуханалар, магазиндар, ресторандар, кафе, спорт һәм медицина учреждениелары һ.б. инә. Партнёрҙарҙың тулы исемлеге менән акцияның  рахмат102.рф. сайтында танышырға мөмкин.

Һайлау участкаларына ғаиләһе менән килгәндәрҙең барыһына ла (шул иҫәптән балаларға ла) өҫтәмә рәүештә ҡиммәтле бүләктәр уйнатыуҙа ҡатнашыу өсөн QR-билеттар биреләсәк.

Унда ҡатнашыу өсөн мотлаҡ:

- бөтә ғаилә менән һайлауға килеп, үҙегеҙ өсөн дә һәм яҡындарығыҙ өсөн дә  беләҙек һәм QR-билеттар алырға;

-  QR-билетты сканерҙан үткәреп, сайтта теркәргә;

- бүләктәр уйнатыу буйынса рахмат102.рф рәсми сайтында һәм шулай уҡ “Бәйләнештә”, “Телеграм” социаль селтәрҙәрендә күҙәтеп барырға кәрәк.

Һөҙөмтәләр рахмат102.рф сайтында баҫыла. Бүләк алыу хоҡуғын юғалтмаҫ өсөн QR-билеттарҙы 30 сентябргә тиклем һаҡларға кәрәк.

QR-билеттарҙы теркәү 6 сентябрь сәғәт 8:00-дән алып 8 сентябрь сәғәт 21:00-гә тиклем мөмкин буласаҡ. Бер телефон номерына 5 QR-билеттан артыҡ теркәргә ярамай.

Р.ЗАМАНОВА.