Тикеев исемендәге мәктәптә ҙур яңылыҡ!

Был мәктәп – республикалағы пилотһыҙ авиация системаларын эшләү, етештереү һәм файҙаланыу буйынса белем биреү процестарын тормошҡа ашырыусы 20 мәғариф усағының  береһе.

Уҡыу майҙандары осоу симуляторҙары, пилотһыҙ осоу аппараттарын моделләштереү һәм идара итеү өсөн, һәм шулай уҡ практик дәрестәр уҙғарыу өсөн уҡыу комплекттары  һымаҡ  яңы технологиялар менән йыһазландырыласаҡ. “Пилотһыҙ авиация системалары” махсус класы уҡыусылылар өсөн яңы перспективалар һәм компетенциялар аса, пилотһыҙ осоу аппараттары өлкәһендәге төрлө конкурстарҙа ҡатнашырға мөмкинлек бирәсәк.

Был йүнәлештә эшләү өсөн Иглин районында “Пилотһыҙ авиация системалары” федераль проекты сиктәрендә 12 педагог ҡайтанан профессиональ әҙерлек үтә. Шуларҙың дүртәүһе – Д.С.Тикеев исемендәге  4-се мәктәп хеҙмәткәрҙәре. Әлеге ваҡытта педагогтар уҡыуҙың теоретик өлөшөн тамамлаған, ә быйыл  октябрҙә яңынан әҙерләүҙең практик этабы үтәсәк.

Р.САФИНА.