Һайлау участкалары әҙер

Һайлау участкаларының алдағы өс көнлөк 6, 7 и 8 сентябрҙәге  эше тураһында – Башҡортостандың төбәк менән идара итеү үҙәгенән “Юлдаш” телевидениеһының “Сәләм” программаһына тура элемтә барышында  республика Үҙәк һайлау комитеты етәксеһе урынбаҫары Марат Ғәҙилов һөйләне.

Һәр һайлаусы, үҙе йәшәгән муниципалитетына ҡарап, берҙән алып өсәүгә тиклем бюллетень аласаҡ. Республика башлығын һайлауҙан тыш, төбәктә урындағы үҙидараның вәкәләтле органдарына депутаттар һайлау буйынса  200-ҙән ашыу һайлау  кампанияһы үтә.
 3 миллиондан ашыу кеше үҙҙәренең участкаһында тауыш бирә аласаҡ. Өлкән йәштәге кешеләр, инвалидтар, ҡаты ауырыған кешеләр һәм уларҙы ҡараусылар, һәм шулай уҡ кемдәрҙең башҡа сәбәптәре бар, өйҙә тауыш бирергә хоҡуҡлы. Бының өсөн үҙегеҙҙең участка һайлау комиссияһына уның эш көндәрендә, шул иҫәптән тауыш биреү көнөндә сәғәт  14:00-гә тиклем мөрәжәғәт итергә кәрәк.

Һайлау участкаһының ҡайҙалығын, ошо һылтанма https://voter.gosuslugi.ru/new/voter буйынса Үҙәк һайлау комиссияһының цифрлы сервисы ярҙамында  белергә мөмкин. 

Башҡортостан Үҙәк һайлау комиссияһының ҡыҙыу линияһы телефоны: 8 800 347 54 54

Башҡортостан Үҙәк һайлау комиссияһының рәсми сайты: http://www.bashkortostan

Р.ЗАМАНОВА.