Яҡты эҙ ҡалдырған шәхестәр иҫтәлегенә...

Ярыштарҙы асыу тантанаһында йыйылыусыларҙы Стәрлетамаҡ хакимиәте башлығы Эмиль Шәймәрҙәнов, ҡала Советы депутаты, 1-се ҡала клиник дауаханаһының баш табибы Илшат Яппаров, шулай уҡ Владимир Иванович Куликовтың ҡатыны Татьяна Юрьевна һәм улдары Евгений сәләмләне.
Улар ҡатнашыусыларға матур уйын, намыҫлы еңеүҙәр, дуҫтарса мөхит теләне. Һуңынан В.И. Куликов һәм А. А. Ширяевты бер минут тынлыҡ менән иҫкә алдылар.

Хакимиәт башлығы Эмиль Владиславович хакимиәт башлығы урынбаҫары Михаил Григорьевҡа был ярыштарҙы йыл һайын үткәрергә ҡушты.Теннис буйынса команда беренселеге ир-егеттәр һәм ҡатын-ҡыҙҙар араһында парлы үткәрелә. Уйындар өс партиянан тора. Ир - егеттәр араһында ярыштар һөҙөмтәһендә Руслан Ғәликәев еңеүсе булды, 2-се урынды Эмиль Шәймәрҙәнов, 3-сө урынды - Ринат Хәмиҙуллин яуланы. Ҡатын-ҡыҙҙар араһында Ольга Астайкина еңеүсе булды. Оксана Мальцева 2-се урынға, Юлия Ғәбитова 3-сө урынға сыҡты.
Тантаналы бүләкләүҙән һуң ҡала хакимиәте командалары һәм ГО Советы депутаттары араһында мини-футбол буйынса матч үтте. Ҡыҙыу һәм эмоциональ көрәштә бер аҙ айырма менән муниципаль хеҙмәткәрҙәр командаһы еңде. Еңеүселәргә һәм призерҙарға грамоталар, миҙалдар һәм иҫтәлекле бүләктәр тапшырылды.

Р.ҒАЯЗОВА.
С.КРАМСКОВ фотолары.