+30 °С
Болотло
Йәмғиәт
11 Ноябрь 2025, 06:55
АҒИҘЕЛ КҮПЕРЕНДӘ ЭШТӘР ҠАЙНАЙ
Башҡортостан Башлығы Радий Хәбиров менән “Тура бәйләнеш”тә республика халҡы социаль селтәрҙәрҙә төбәк етәксеһенә үҙҙәрен борсоған һорауҙар биргәндә, Стәрлетамаҡ халҡы ҡаланың транспорт бәйләнеше өсөн мөһим булған Ағиҙел күперен төҙөү тураһында ла һорау биргәйне. Проблема шунда уҡ контролгә алынды һәм 2024 йылдың ноябрендә күперҙе төҙөү эштәре башланды.
АҒИҘЕЛ КҮПЕРЕНДӘ ЭШТӘР ҠАЙНАЙ
Яңы күпер Стәрлетамаҡты Шахтау биҫтәһе һәм Ишембай ҡалаһы менән тоташтырып, меңдәрсә кеше өсөн транспорт бәйләнешен яҡшыртасаҡ.
Бынан алдараҡ Радий Хәбиров объектты 2026 йыл аҙағына тиклем тапшырыуҙары ла мөмкин, тип билдәләгәйне.
Стәрлетамаҡ ҡала хакимиәте башлығы Эмиль Шәймәрҙәнов хәбәр итеүенсә, Ағиҙел күперен ремонтлау эштәре планға ярашлы алып барыла. Күперҙе төҙөү өҫтөндә 100-гә яҡын кеше эшләй. Күперҙең таяуҙары һәм быраулау свайҙары ҡуйылған.
“Был проект оҙайлы ваҡытҡа иҫәпләнһә лә, эштәрҙе иртәрәк тамамларға планлаштырабыҙ, артабан да төҙөлөш барышын тикшереп торасаҡбыҙ”, – тип билдәләне Эмиль Владиславович.
Р.САФИНА.
Фото ҡала хакимиәтенең матбуғат хеҙмәте сайтынан алынды.
АҒИҘЕЛ КҮПЕРЕНДӘ ЭШТӘР ҠАЙНАЙ
