-13 °С
Болотло
Бөтә яңылыҡтар
Йәмғиәт
2 Ғинуар , 15:35
ИЛ-ЙОРТҠА ИМЕНЛЕК АЛЫП КИЛ, ЙЫЛҠЫ ЙЫЛЫ!
Бына инде ҡолонсаҡтай юртаҡлап Йылҡы йылы ла килеп етте. Борон-борондан атты “йылҡы – малдың батшаһы” тип, беренсе урынға ҡуйғандар. Яңы йылға аяҡ баҫҡанда ҡалабыҙҙың Йылҡы йылында тыуған шәхестәре уй-теләктәрен еткерә. #НовогоднийСтерлитамак2026
ИЛ-ЙОРТҠА ИМЕНЛЕК АЛЫП КИЛ, ЙЫЛҠЫ ЙЫЛЫ!
БӘРӘКӘТЛЕ, МУЛ ТОРМОШ АЛЫП КИЛ, ҠОЛОНСАҠ!
Йылҡы йылына өс сифат хас: аттың эшһөйәрлеге, маҡсатҡа ынтылыусанлыҡ, күңел төшөнкөлөгөнә бирелмәү. Бына шундай формула.
Яңы йылда Бөтә донъяға именлек теләйем. Үҙем Һыуғояр йондоҙлоғо аҫтында тыуған кеше булараҡ, барыһын да кешелек сифаттарын юғалтмаҫҡа саҡырам. Ә үҙемдең туғандарыма, яҡындарыма, дуҫтарыма бәрәкәтле тормош һәм һаулыҡ, ә инде коллегаларыма ижади уңыштар теләйем. Үткән йыл йомғаҡтарына килгәндә, йыл бик уңышлы булды. Беренсе курстан башлап биш йыл буйы етәкләп алып барған “Педагогик белем биреү” йүнәлешенең бишенсе курсын тамамлаған “ФИ”-51 төркөмөнән ун студенттың һигеҙе Ҡыҙыл диполом алыуы бик ҙур шатлыҡлы ваҡиға булды.
Зөлфиә ЙӘҒӘФӘРОВА,
физика-математика фәндәре кандидаты, ӨДФТУ Стәрлетамаҡ филиалының дөйөм һәм теоретик физика кафедраһы доценты, “БР Башҡорт ҡатын-ҡыҙҙары йәмғиәтенең Стәрлетамаҡ бүлексәһе етәксеһе.
Фекерҙе Роза САФИНА белеште.
ИЛ-ЙОРТҠА ИМЕНЛЕК АЛЫП КИЛ, ЙЫЛҠЫ ЙЫЛЫ!
Новости партнеров