ЭКОЛОГИК ӨМӘЛӘР ГӨРЛӘЙ

Апрелдә “Йәшел Башҡортостан” экологик акцияһы сиктәрендә республика халҡы йәмғеһе 4,5 мең төп ағас һәм 62 мең башҡа төр  үҫенте ултыртасаҡ.

 Башҡортостан Башлығы Радий Хәбиров үткәргән оператив кәңәшмәлә республиканың торлаҡ-коммуналь хужалыҡ министры Ирина Голованова ошо хаҡта хәбәр итте.

“Йәшел Башҡортостан” традицияға ярашлы йылына  ике тапҡыр – яҙлы-көҙлө үтә. Уның беренсе этабы 18 апрелдән алып 10 майға тиклем бара. Берҙәм акция көнө18 апрелдә үтәсәк.

– Ирина Голованова хәбәр итеүенсә,  был сараларҙа 43 мең кеше, шул иҫәптән 4 мең ирекмән һәм 1 меңдән ашыу техника берәмеген йәлеп итеп,  3 мең махсуслаштырылған ойошма ҡатнашырға уйлай.

Акция мәлендә республика район-ҡалаларында 83 яңы тематик Октябрьский ҡалаһының 80 йыллығына Ҙур һәм татыу ғаилә аллеяһы һәм  Туймазыла – Чернобыль АЭС на һәләкәт эҙемтәләрен бөтөрөүҙә ҡатнашыусылар иҫтәлегенә аллея барлыҡҡа киләсәк. Ә Нефтекамала Хеҙмәт даны аллеяһы киңәйтеләсәк.

Өфөлә 1,7 мең төп ағас һәм  5,4 мең ҡыуаҡ ултыртыласаҡ, шулай уҡ яңы тематик аллея булдырыласаҡ.

Р.ЗАМАНОВА.

Фото БР Торлаҡ-коммуналь хеҙмәт министрлығы сайтынан алынды.