Стәрлетамаҡта “Ветеран йорто янында парад” Бөтә Рәсәй патриотик акцияһы үтте

Ветеран өсөн һуғыш йылдарындағы йырҙар яңғыраны. Тантананы 23-сө мәктәптең Росгвардия профилле кластары маршы  йәнләндереп ебәрҙе. Әйткәндәй, был балалар төрлө кимәлдәге хәрби-патриотик ярыштарҙа күп тапҡырҙар еңеүҙәр яулай һәм призерҙар булып тора.

Үҙҙәрен хәрби данды өйрәнеүгә арнаған, намыҫ һәм батырлыҡ юлын һайлаған “Ватан” хәрби-патриотик берләшмәһе егеттәре һәм ҡыҙҙары  “Еңеү көнө” маршы аҫтында тигеҙ сафтарға теҙелеп  үтте.

Бөйөк Ватан һуғышы ветераны Александр Петрович Герасимов  1926 йылда  Стәрлетамаҡ районында тыуған. 1943 йылда Совет армияһына саҡырыла, 1-се Алыҫ Көнсығыш фронты составында һуғыша, Ырымбур өлкәһендә  ядро ҡоралын һынауҙа ҡатнаша. Демобилизацияланғандан һуң ВНЗМ-да (“Востокнефтезаводмонтаж” предприятиеһында) хеҙмәт итә.

Роза САФИНА.

Ҡала хакимиәте матбуғат хеҙмәте  һәм автор фотолары