

Юл буйы сервисының яңы стандартын индереү тураһында республика премьер-министры Андрей Назаров хәбәр итте. Уның һүҙҙәренсә, бындай зоналар бөтә яңы объекттар өсөн мотлаҡ буласаҡ. Хәҙер уйын майҙансыҡтары һәм балалар менән әсәйҙәр өсөн бүлмәләр трасса буйлап 41-се нөктәлә бар. Властар, был балалар менән сәйәхәт итеүҙе уңайлыраҡ итер, тип иҫәпләй. Башҡортостанда юл буйы сервисын үҫтереүгә 17 миллиард һум аҡса һалырға ниәтләйҙәр.