Килешеүҙәр төҙөлдө

Төҙөлгән килешеүҙәр уҡыусыларҙың техник фекерләүен үҫтереүгә, уларҙың иртә һөнәри йүнәлешен булдырыуға һәм инженерлыҡ мөхитендә практик тәжрибә алыуға ярҙам итәсәк.
Сарала сығыш яһанылар: химия технологиялары һәм инженеринг институты (ӨДНТУ) директоры Владимир Михайлович Ильин, уның уҡыу һәм тәрбиә эше буйынса урынбаҫары Евгений Владимирович Гоев, йәштәр менән эшләү һәм йәмәғәтселек менән бәйләнеш буйынса директор урынбаҫары Холмогорцева Екатерина Анатольевна, Стәрлетамаҡ политехник колледжының уҡыу эштәре буйынса директор урынбаҫары Валентина Александровна Нехорошкина.
Стәрлетамаҡ политехник колледжы һәм «Станкостроение» ғилми-етештереү берекмәһе менән 8-се класта инженер класын асыу тураһында өс яҡлы килешеүгә ҡул ҡуйылды. БР Моделдәр стандартына ярашлы хеҙмәттәшлек колледж оҫтаханалары базаһында гимназистар өсөн практик дәрестәр һәм оҫталыҡ дәрестәре үткәреләсәк, балалар «Профессионалдар» чемпионатында ҡатнашыуға әҙерләнәсәк, шулай уҡ уларҙы производство предприятиеһына экскурсиялар һәм танышыу практикаһы көтә.
Һәм тағы ла Стәрлетамаҡ ҡалаһында Өфө дәүләт нефть техник университетының химия технологиялары һәм инжиниринг институты менән гимназия базаһында математика, физика, химия һәм информатиканы тәрән өйрәнеү менән профилле инженер 10-сы класын асыу тураһында килешеү төҙөлдө. Белем биреү процесы институт уҡытыусыларының туранан-тура ҡатнашлығында ойошторола: практик һәм лаборатория эштәренең бер өлөшө юғары уҡыу йорто майҙандарында үткәреләсәк. Гимназистар университеттың проект, ғилми һәм һөнәри йүнәлеш биреү эшмәкәрлегенә индерелә.
8-се һәм 10-сы класс уҡыусылары был кластарҙа республика стандарты талаптарына ярашлы әҙерлек аласаҡ.
Йыйылышта шулай уҡ йәйге каникулдарҙа балалар хәүефһеҙлеге, йәйге каникулдарҙы һәм балаларҙың ялын ойоштороу, берҙәм мәктәп формаһы, уҡыу йылы йомғаҡтары, 2025-2026 йылдарҙа гимназистарҙың ҡаҙаныштары кеүек темалар тикшерелде.

Гүзәл РӘМИЕВА