ҺАЙЛАУҘАРҒА АЛДАН ӘҘЕРЛЕК БАРА

Ул коммерцияға ҡарамаған ойошмалар менән үҙ-ара эш итеүҙе координациялай һәм тауыш биреүҙең асыҡлығын тәьмин итеү өсөн граждандар активистарын берләштерә. Йәмәғәт күҙәтеүселәре һайлауҙар үткәреү ҡағиҙәләрен генә түгел, ә хәҙерге донъяла уларға кәрәкле башҡа мөһим нәмәләрҙе лә өйрәнә. Улар ялған мәғлүмәтте нисек танырға, конфликттарҙы нисек хәл итергә, һайлауҙарҙа төрлө кешеләр менән дөрөҫ аралашырға, социаль селтәрҙәрҙе һәм һанлы күҙәтеү ҡоралдарын нисек ҡулланырға кәрәклеген белә. Йәмәғәт күҙәтеүенең "күҙҙәре һәм ҡолаҡтары" булып төрлө әүҙем һөнәр кешеләре тора, Улар Бойондороҡһоҙ йәмәғәт мониторингы  һәм Рәсәй Федерацияһының Йәмәғәт Палатаһы ассоциацияһы әҙерләгән яңыртылған программа буйынса тренерҙарҙан тейешле белем ала. Тауыш биреү көндәрендә, 18-20 сентябрҙә, күҙәтеүселәрҙең бер өлөшө блогер буласаҡ һәм һайлау участкаларынан яҙылыусылар менән оператив мәғлүмәт менән уртаҡлашасаҡ. Ни өсөн был кәрәк? Реаль ваҡыт режимында блогерҙар һайлауҙар нисек үтеүе тураһында һөйләй; участкаларҙағы хәл-торошто күрһәтәләр; участкаларҙы асыуҙан алып тауыштарҙы иҫәпләүгә тиклем төп этаптарҙы теркәйҙәр; фейкаларҙы кире ҡағырға һәм провокацияларҙы булдырмаҫҡа ярҙам итәләр.

- 2026 йылдың 18-20 сентябрендә Дәүләт думаһы депутаттарын һайлауҙың асыҡлығын күҙәтәсәк һәм үҙенең блогында бөтәһен дә һөйләйәсәк команданың бер өлөшө булыу – минең өсөн ҙур хөрмәт һәм ҙур яуаплылыҡ. Беҙ иң мөһиме - һайлауҙарҙың асыҡ һәм намыҫлы үтеүен күҙәтеп, халыҡҡа еткереп торасаҡбыҙ. Эшебеҙгә Башҡортостан Республикаһының Йәмәғәт палатаһы етәкселек итәсәк, тимәк, барыһы ла етди һәм яуаплы. Мин бында процесты эстән күрергә һәм мине уҡыған, тыңлаған һәм ҡараған һәр кемгә дөрөҫлөктө еткерергә теләйем, - тип һөйләне буласаҡ күҙәтеүсе-блогер Алина Рәхмәтуллина.

Уҡытыу "Йәмәғәт күҙәтеүселәре мәктәбе" социаль проектын тормошҡа ашырыу сиктәрендә Башҡортостан Республикаһы Башлығы Гранттары фонды һәм БР Йәмәғәт палатаһы ярҙамында Башҡортостан Республикаһы Башлығы гранттарына үткәрелә. Ойоштороусыһы - «Авангард» автономлы коммерцияға ҡарамаған ойошма.