“БАШҠОРТОСТАНДЫҢ ТЕРЕ ПАЛИТРАҺЫ” старт алды

Башҡортостан ҡыл-ҡәләм оҫталарының картиналарынан торған күргәҙмәлә тыуған яғыбыҙҙың  матурлығын сағылдырған картиналар урын алған. Уларҙа  һәр авторҙың донъяға шәхси ҡарашы, тәбиғәткә һөйөү, илебеҙ тарихы сағылыш таба.  

Экспозицияның әһәмиәте шунда: унда республикабыҙ мираҫының мөһим бер өлөшө булған билдәле башҡорт рәссамдарының әҫәрҙәре ҡуйылған. Унда шулай уҡ Рәсәйҙең төрлө тарафтарынан килгән ҡыл-ҡәләм оҫталары башҡорт еренең матурлығын, уның хозур тәбиғәтенең ҡабатланмаҫ күренештәрен, архитектураһын, бай традицияларын һәм үҙенсәлекле мәҙәниәтен һүрәтләү өсөн килгән.  Күргәҙмәгә тамаша ҡылыусылар Башҡортостанды ҡыл-ҡәләм оҫталарының илһам менән менән һуғарылған сәнғәт донъяһы аша күрә аласаҡ.

Күргәҙмәнең ойоштороусылары: “Галактика” күңел асыу үҙәге” ЯСЙ һәм “Изге эштәр донъяһы” мәҙәни-ял итеү үҙәге.

Бай  күргәҙмәгә килеп, рухыңды байытып ҡайтыу өсөн  шундай мөмкинселек асылды. Рәхмәт ойоштороусыларға.

Р.САФИНА.

Автор фотолары.