Башҡортостан менән Абхазия иҡтисадта һәм социаль өлкәлә хеҙмәттәшлекте нығыта.

Төбәк етәксеһе иҡтисади һәм социаль күрһәткестәрҙең үҫешендә сағылыш тапҡан ике яҡлы мөнәсәбәттәрҙең һөҙөмтәлелеген юғары баһаланы.

– Туғанлыҡ мөнәсәбәттәребеҙ оҙон һәм сағыу тарихҡа эйә. Шул уҡ ваҡытта хеҙмәттәшлекте үҫтереү өсөн мөмкинлектәр әле тулыһынса файҙаланылмаған. Бында иҡтисадтың етди үҫеш нөктәһе булған туризм күҙлегенән сығып Абхазияның уникаль географик үҙенсәлектәрен иҫәпкә алыу мөһим. Беҙ был илдең Башҡортостан халҡы өсөн киңәйтеү мөмкинлектәрен тикшерәбеҙ. Ә беҙҙең иҡтисад Абхазиянан партнерҙарыбыҙға ауыл хужалығы продукцияһын оҙатыуҙы арттырыуға яҡшы перспективалар тәҡдим итә, – тине Радий Хәбиров. – Күп йүнәлештәр буйынса әлегә мөмкинлектәрҙе өйрәнеү.

– Беҙҙең үҙ ара эш сәфәрҙәребез Башҡортстан менән Абхазия араһындағы элемтәләрҙе нығытыу өсөн бик файҙалы. Бөгөн – Рәсәй менән Абхазия араһында дипломатик мөнәсәбәттәр урынлаштырыуға 18 йыл тулған көндә, хөрмәтле Бадра Зурабович,  республикабыҙҙа булыуығыҙ символик мәғәнәгә эйә, – тип билдәләне Радий Хәбиров. – Бергә эшләгән йылдарда беҙ йылы эшлекле мөнәсәбәттәр булдырҙыҡ. Муниципалитеттар һәм хакимиәттең башҡарма органдары йүнәлеше буйынса хеҙмәттәшлек һөҙөмтәле үҫә. Башҡортстан һәм Абхазия араһында 2030 йылға тиклем хеҙмәттәшлекте киңәйтеү буйынса Юл картаһы ғәмәлдә. Ике яҡлы элемтәләрҙең төп драйверы – әлбиттә, әүҙем сауҙа-иктисад хеҙмәттәшлеге. Тауар әйләнеше дүртенсе йыл рәттән арта һәм ағымдағы йылдың беренсе алты айында ул 2025 йыл күрһәткесенән артып китте.

Үҙ-ара мөнәсәбәттәрҙе нығытыуға Өфө менән Сухум араһында 2026 йылдың майында асылған тура авиабәйләнеш тә ярҙам итә. Радий Хәбиров билдәләп үткәнсә, был  туристик  алмашлыҡты  үҫтереү өсөн яҡшы мөмкинлек  бирә. Тармаҡтың үҫеш перспективалары, шулай ук “Башҡорт-абхаз оҙон ғүмерлелеге. Туризм” программаһының  дауамы тураһында элегерәк Башҡортстан Башлығының  Абхазия Президенты менән осрашыуында фекер алышҡайнылар.

Йәнә бер башланғыс – Бабушара ауылында (Абхазияның Гурлыпш районы) Башҡортстанда йәшәүселәргә  ял итеү һәм реабилитацияланыу өсөн шифахана төҙөү проекты. Проект буйынса кәрәкле документтар әҙерләнгән  дә инде һәм уны республика ярҙамы менән тормошҡа ашырырға уйлайҙар.

Абхазия делегацияһының Өфөгә сәфәре сиктәрендә вуз-ара студент кампусының Геном үҙәге базаһында төбәк эшҡыуарҙары вәкилдәре менән осрашыу булды. Эшҡыуарҙар төрлө йүнәлештәр буйынса хеҙмәттәшлек итергә теләк белдерҙеләр.
Башҡортстан Башлығы шулай ук сит ил партнерҙарына төбәктең уҡыу йорттары базаһында туризм өлкәһендә белгестәр әҙерләү мөмкинлеген ҡарарға тәҡдим итте.

Абхазия Президенты Башҡортстандың идара итеү командаһына ике яҡлы мөнәсәбәттәрҙе нығытыуға ҙур өлөш индергәне өсөн рәхмәт белдерҙе.
– Рәсәй Федерацияһы менән бәйләнештәр – ил үҫешенең өҫтөнлөклө йүнәлеше. Бында төбәктәр менән хеҙмәттәшлек айырым урын алып тора, – тине Бадра Гунба. – Башҡортостан  тиҫтәләрсә йылдар буйына Абхазия халҡына ярҙам итте һәм бөгөн беҙҙең ныҡлы дуҫлығыбыҙ иҡтисад, мәғариф, мәҙәниәт өлкәһендә  системалы эште яйға һалырға булышлыҡ итә.

Абхазия Президенты хәбәр итеүенсә, 2025 йыл йомғаҡтары буйынса Башҡортстан менән тауар әйләнеше 15 тапҡырға артҡан. Ул шулай уҡ Абхазия туризм тармағы вәкилдәренең Башҡортстанға килеүе һәм киләсәктә үҙ халҡына төбәк мөмкинлектәре тураһында һөйләүе менән ҡыҙыҡһыныуын билдәләп үтте.
Абхазия Президенты шулай уҡ республика делегацияһын 30 сентябрҙә билдәләп үтеләсәк Еңеү һәм бойондороҡһоҙлоҡ көнөнә бағышланған тантаналы сараларҙа ҡатнашырға саҡырҙы.

– Башҡортстан менән бәйләнештәрҙең бөгөнгө  кимәлен бығаса  булмағанса тип әйтергә мөмкин. Беҙ бөтә өлкәләрҙә лә мөнәсәбәттәр үҫешенең бик яҡшы динамикаһын күрәбеҙ, – тип билдәләне Бадра Гунба журналистар менән әңгәмәлә. – Был Башҡортстан етәкселеге һәм шәхсән Радий Хәбировтың тырышлығы менән барлыҡҡа килгән яңы мөмкинлектәр. Беҙ бындай етди ҡараш өсөн бик рәхмәтле.

Төбәк башлығы Абхазия менән бәйләнештәрҙең юғары потенциалын һәм киләсәктә халыҡ мәнфәғәтендә  дөйөм эштең мөһимлеген билдәләп үтте.
– Беҙҙең туғанлыҡ мөнәсәбәттәренең тарихы оҙон һәм яҡты. Шул уҡ ваҡытта хеҙмәттәшлекте үҫтереү мөмкинлектәре бөтмәгән әле. Бында Абхазияның уникаль географик үзенсәлектәрен туризм күҙлегенән сығып ҡарау мөһим, ул иҡтисад үҫешенең мөһим нөктәһе булып ҡала. Беҙ был илде Башҡортстанда йәшәүселәргә киңерәк танытыу мөмкинлектәре тураһында фекер алышабыҙ. Ә беҙҙең баҙар сит ил партнерҙарына ауыл хужалығы продукцияһы менән тәьмин итеү күләмен арттырыу өсөн яҡшы перспективалар бирә, – тине Радий Хәбиров. – Күп йүнәлештәр буйынса беҙ әлегә перспективаларҙы өйрәнеү этабында. Шул уҡ ваҡытта күрһәткестәрҙең үҫеүе үҙ-ара хеҙмәттәшлекте үҫтереүҙе ике яҡ өсөн дә файҙалы буласаҡ тип  әйтергә форсат бирә.

Р.САФИНА.

Фото – БР Башлығы сайтынан.