Һайлауға барып “Рәхмәт”ле булайыҡ!

Уҙған йылдарҙан айырмалы рәүештә, быйыл акцияла бүләктәр уйнатылмай, ташламалар ғына була.

Купонды күп тапҡыр ҡулланырға мөмкин, теркәргә кәрәкмәй. Унда акцияның сайтына күсеү өсөн QR-код урынлаштырылған, сайтта партнерҙарҙың тулы исемлеге һәм акцияның шарттары менән танышырға мөмкин.

“Теркәлеү, мәғлүмәттәр ҡалдырыу талап ителмәй. Телефон ярҙамында QR-кодты асып, инеү мөмкинлеге алаһығыҙ. Бер ҡайҙа ла исем-шәрифте, паспорт мәғлүмәттәрен, телефон номерын яҙырға кәрәкмәй”, - тип яуап бирҙе  Ринат Хәбиров хәүефһеҙлек тураһындағы һорауға.

Ул мутлашыусылар тураһында ла иҫкәртте: “Әгәр ҙә һеҙгә кемдер шылтыратып, үҙен акцияны ойоштороусы тип таныштырһа, ниндәйҙер мәғлүмәттәр, СМС-кодтар һораһа, бер нәмә лә әйтмәгеҙ”.

Ойоштороусыларҙың һүҙҙәренсә, әгәр купонды алмаһалар, уны ҡабаттан ҡулланырға була. QR-код – сайтҡа күсеү генә. Ташлама ошо ҡағыҙ купонды күрһәткән осраҡта бирелә”, - тип аңлатты Ринат Хәбиров.

Ирекмәндәр ярҙамға килә

18, 19 һәм 20 сентябрҙә ирекмәндәр һайлау участкаларында купондар тарата. “Башлыса йәштәр, студенттар әүҙем ҡушыла”, - тине Тимур Ниғмәтуллин.

Оло йәштәгеләр ҙә иғтибарҙан ситтә ҡалмай. Ойоштороусылар әйтеүенсә, купондар күп, бөтәһенә лә етерлек.

“Байрам” магазиндар селтәре вәкиле Эльвира Вәлиева әйтеүенсә, купондарҙың ғәмәлдә булыу ваҡыты – 18 сентябрҙән 20 сентябргә тиклем. 

Р.ЗАМАНОВА.

“БАШИНФОРМ” мәғлүмәт агентлығы фотоһы.