Гран-при «Антре» халыҡ ансамблендә!

Күптән түгел, Сочи ҡалаһында «Пересвет» III Бөтә Рәсәй хореография сәнғәте конкурсы үтте. Гран-при һәм башҡа наградалар өсөн Рәсәйҙең төрлө төбәктәренән 20 коллектив көс һынашты. Дөйөм алғанда, был 900-ҙән ашыу ҡатнашыусы.

Гран-приға Стәрлетамаҡтан Башҡортостандың Атҡаҙанған халыҡ ижады коллективы, «Антре» Халыҡ заманса бейеү ансамбле лайыҡ булды, тип хәбәр иттеләр ҡала мәҙәниәт бүлегенән.

Шулай уҡ улар иң яҡшы балетмейстер эше өсөн махсус призға эйә була һәм бер нисә номинацияла лауреат тип таныла:

• “Эстрада бейеүе. 8-10 йәштәге һәм 11-13 йәштәге балалар” номинацияһында II дәрәжәлә 2 лауреат;
• “Урам бейеүе. 11-13 йәштәге балалар” номинацияһында I дәрәжә лауреаты;
• “Заманса бейеү. 14-17 йәштәге балалар” номинацияһында I дәрәжә лауреаты;
• “Эстрада бейеүе. 14-17 йәштәге балалар” номинацияһында I дәрәжә лауреаты.

Мәғлүмәт.