+20 °С
Болотло
Һайлау
10 Сентябрь 2023, 11:48
Башҡортостан дауаханаларында 28 ваҡытлыса һайлау участкаһы эшләй
Башҡортостанда 10 сентябрҙә республика Дәүләт Йыйылышы депутаттарын һайлау барышында пациенттарға һәм медицина хеҙмәткәрҙәренә тауыш биреү өсөн 28 ваҡытлыса һайлау участкаһы асылған. Был хаҡта «Һайлау - 2023» йәмәғәт матбуғат үҙәгендә уҙған брифингта Башҡортостан Һаулыҡ һаҡлау министрлығының мобилизация әҙерлеге һәм ғәҙәттән тыш хәлдәрҙә медицина ярҙамын ойоштороу бүлеге етәксеһе Тимур Екимов һөйләне.
Башҡортостан дауаханаларында 28 ваҡытлыса һайлау участкаһы эшләй
«Дауаханаларҙа пациенттар ҙа, эш урынын ҡалдырып китә алмаған медицина хеҙмәткәрҙәре лә тауыш бирергә мөмкин», - тип билдәләне Һаулыҡ һаҡлау министрлығы вәкиле.
Тимур Екимов һүҙҙәренсә, Дәүләт Йыйылышы депутаттарын һайлау барышында медицина ойошмаларында граждандарҙың йәшәгән урыны буйынса 96 һайлау участкаһы эшләй. Медицина колледждары, фельдшер-акушерлыҡ пункттары һәм башҡалар. Медицина учреждениеһы майҙансығында тауыш биреү әүҙем бара, ти Өфө ҡалаһының 13-сө дауаханаһының баш табибы Булат Ғәрифуллин.
«Процент нисбәтендә был республика буйынса һайлау участкаһына ҡарағанда юғарыраҡ», - тип билдәләне дауахана етәксеһе.
