+24 °С
Болотло
Кеше һәм закон
16 Ғинуар 2025, 05:56
Хеҙмәтте һаҡлау – мөһим мәсьәлә
Эшсенең ауыр йәрәхәтләнеүенә килтергән ҡағиҙә боҙоуҙар һөҙөмтәһендә, Стәрлетамаҡ ҡалаһындағы заводҡа штраф һалына.
Хеҙмәтте һаҡлау – мөһим мәсьәлә
Стәрлетамаҡта 2024 йылдың ноябрендә “Стәрлетамаҡ машиналар төҙөү заводы” яуаплылығы сикләнгән йәмғиәтендә 28 йәшлек эшсе ауыр тән йәрәхәттәре ала. Дәүләт хеҙмәт инспекцияһында хәбәр итеүҙәренсә, бәхетһеҙ осраҡты тикшереү тамамланған, фажиғә сәбәптәре асыҡланған.
Инспекция мәғлүмәте буйынса, ул көндө, 11 ноябрҙә, предприятиеның механика участкаһының етештереү бүлмәһендә хеҙмәткәр деталде фрезерлағандан һуң уның сифатын тикшерә башлай, әммә станокты һүндермәй. Ир иғтибарын һыҙмаға йүнәлтеп, уң еңе менән әйләндерелеүсе фрезаҡа тейеүен аңғармай ҡала, һәм фрезерлаусының ҡулы механизмға ҡыҫылып ҡала. Медицина учреждениеһында уның яурыны йәрәхәтләнеүе асыҡлана.
Бәхетһеҙ осраҡты тикшереү буйынса комиссия эшсене хеҙмәтте һаҡлау буйынса тейешле уҡыу үтмәйенсә вазифаларын башҡарырға ебәреүҙәрен асыҡлай.
Һөҙөмтәлә, юридик шәхес хеҙмәтте һаҡлау талаптарын боҙған өсөн штраф формаһында административ яуаплылыҡҡа тарттырыла. Вазифалы кешеләргә ҡарата ҡарар ҡабул итеү өсөн материалдар тәфтиш органдарына тапшырылған.
