+30 °С
Болотло
Кеше һәм закон
5 Февраль 2025, 08:30
Үҫмерҙәр дарыуҙар менән ағыулана
Стәрлетамаҡ ҡала хакимиәтендә эш осрашыуы үтте, унда бәлиғ булмағандарҙың табип тәғәйенләмәйенсә һәм һаулыҡ буйынса күрһәтмәләрһеҙ көслө тәьҫирле дарыуҙар ҡулланыу проблемаһы тикшерелде. Кәңәшмәлә Стәрлетамаҡ ҡалаһы буйынса Эске эштәр идаралығы начальнигы урынбаҫары, эске хеҙмәт полковнигы Александр Солдатов сығыш яһаны, тип хәбәр ителә Эске эштәр министрлығы идаралығында.
Үҫмерҙәр дарыуҙар менән ағыулана
Александр Солдатов һүҙҙәре буйынса, хәҙер Интернет селтәрендә билдәһеҙ кешеләрҙең бәлиғ булмағандарҙы галлюцинация эффекты алыу өсөн рецептһыҙ дарыуҙарҙы ҡулланыу ысулдарына өйрәтеү тураһында хәбәрҙәр барлыҡҡа килә.
Эске эштәр идаралығы начальнигы урынбаҫары миҫал итеп 6 ғинуарҙа Стәрлетамаҡ балалар дауаханаһына ауыр хәлдә алкоголь һәм наркотиктар ҡулланыу һөҙөмтәһендә ныҡ иҫереү билдәләре булған 15 йәшлек үҫмерҙе алып киләләр, тип һөйләне. Баҡтиһәң, үҫмер эффектты көсәйтеү өсөн дарыу ҙа, алкоголь да ҡулланырға ҡарар итә. Дарыуханалағы видеояҙма һәм тауар чегы быны иҫбатлай. Фармацевтҡа ҡарата административ яуаплылыҡ янай, тикшереү дауам итә. Ә бәлиғ булмаған баланың законлы вәкилдәренә ҡарата административ протокол төҙөлә.
Стәрлетамаҡта булған хәл-ваҡиғалар республиканың бөтә район-ҡалаларына ла ҡағыла. Аптекаларҙа ошоғаса үҫмерҙәргә рецептһыҙ дарыу һатыусылар булған. Хәҙер улар был турала иҫкәртелә.
Ата-әсәләргә балаларына иғтибарлы булырға, белем усаҡтарында ла аңлатыу эштәре алып барырға кәрәк. Йәш быуынды юлдан яҙҙырырға ниндәй генә ысулдар тапмай яуыз уйлы кешеләр!?
