Һәр нимәнең һуңғы сиге була

Стәрлетамаҡта вәкәләттәрен арттырған һәм мутлашҡан ике элекке полиция хеҙмәткәре хөкөм ителә. Стәрлетамаҡ ҡала суды ике элекке полиция хеҙмәткәренә ҡарата енәйәт эшен ҡараясаҡ, улар РФ Енәйәт кодексының «Бер төркөм кеше тарафынан алдан килешеу буйынса көс ҡулланып, үҙ мәнфәғәтенән сығып, вазифа вәкәләттәрен арттырыу» һәм «Хеҙмәт урынын файҙаланып, ҙур күләмдә мутлашыу» статьялары буйынса ғәйепләнә. Ғәйепләү һығымтаһы прокуратура тарафынан раҫлана.

Ведомствонан хәбәр итеүҙәренсә, 2024 йылдың авгусында енәйәт шаһиты булған Стәрлетамаҡ кешеһен полиция бүлегенә алып киләләр. Ғәйепләнеүселәр, атап әйткәндә, Стәрлетамаҡ ҡалаһы буйынса Эске эштәр министрлығы идаралығы полиция начальнигының элекке урынбаҫары һәм енәйәт эҙләү начальнигы урынбаҫары, ирҙе туҡмай һәм уның енәйәт шаһиты түгел, ә ҡатнашыусыһы булыуына ышандыра. Шулай уҡ элекке хоҡуҡ һаҡсылары енәйәт яуаплылығынан азат итеүҙә ярҙам тәҡдим итә һәм бының өсөн аҡса һорай.

Зыян күреүсенең аҡсаһы булмай, һәм ул үҙенең 350 000 һумлыҡ автомобилен полиция хеҙмәткәрҙәренең береһенең танышына арзан хаҡҡа һатып ебәрә. Полиция хеҙмәткәрҙәре аҡсаны үҙ-ара тигеҙ бүлешә.

"Ғәйепләнеүселәр БР буйынса Эске эштәр министрлығының үҙ именлеге подразделениеһы оперативниктары тарафынан ҡулға алынған, енәйәттәрҙә ғәйепле булыуын таный, прокуратура талабы буйынса ышаныс юғалтыу сәбәпле, эштән бушатылдылар. Ғәйепләү һығымталары тапшырылғандан һуң енәйәт эше Стәрлетамаҡ ҡала судына асылы буйынса ҡарау өсөн ебәреләсәк», — тип хәбәр иттеләр прокуратурала.

Мәғлүмәт һәм фото.