+24 °С
Болотло
Хәл-ваҡиғалар
28 Февраль 2025, 06:45
Башҡортостанда 9 машина бәрелешкән
Бөгөн Р-240 Өфө – Ырымбур трассаһында туғыҙ машина бәрелешкән. Юл-транспорт ваҡиғаһы Мәләүез районының Рамадановка ауылы эргәһендәге трассаның 158-се саҡрымында булған.
Башҡортостанда 9 машина бәрелешкән
Башҡортостан буйынса Ғәҙәттән тыш хәлдәр министрлығының матбуғат хеҙмәтенән хәбәр итеүҙәренсә, авария урынына ҡотҡарыусылар килгән, ҡорбандар юҡ, ике кеше имгәнгән. Уларға беренсе ярҙам күрһәтелгән.
Әле дәүләт автоинспекцияһы хеҙмәткәрҙәре был хәлдең сәбәптәрен асыҡлай. Бер һыҙат буйынса реверсив хәрәкәт ойошторолған.
Юлда көслө томан, тип өҫтәнеләр ведомствола. Шуға 146-сы саҡрымдан (Яңы Васильевка) 170-се саҡрымға тиклемге участкала (Салауат) машиналар өсөн ваҡтылса сикләү индерелгән.
ИА "Башинформ."
Башҡортостанда 9 машина бәрелешкән
