0 °С
Ҡар
Бөтә яңылыҡтар
Хәл-ваҡиғалар
10 Июнь 2025, 12:13
Татарстанға БПЛА һөжүм иткән
ВСУ-ның пилотһыҙ аппараттары күрше Татарстанға һөжүм иткән. Был турала Алабуға һәм Түбәнге Кама халҡы хәбәр итә. Түбәнге Кама мэры Радмир Беляев социаль селтәрҙәге сәхифәһендә дошман дронын юҡ итеүҙәре тураһында яҙып сыҡты.
Татарстанға БПЛА һөжүм иткән
«Бөгөн иртән Түбәнге Кама күгендә ПВО көстәре пилотһыҙ осҡосто бәреп төшөрҙө. Бөтә хеҙмәттәр ҙә оператив рәүештә эшләне. Хәүефһеҙлек системаһы эшләне. Зыян күреүселәр һәм емереклектәр юҡ. Предприятиеларҙың технологик процесы боҙолманы», – тине ул.
Шул уҡ ваҡытта Росавиация Ижевск, Түбәнге Кама һәм Ҡазан аэропорттарында сикләү индерелеүе тураһында хәбәр итте. Бынан тыш, Киров һәм Санкт-Петербург һауа ҡапҡалары ябылды.
«Сикләүҙәр граждандар самолеттарының именлеген тәьмин итеү өсөн индерелде», — тип асыҡлыҡ индерҙеләр ведомствола.
Башинформ.
Новости партнеров