Һеҙҙең менән ғорурланабыҙ!

Мәктәпкәсә белем биреү учреждениеларында эшләүсе йәш педагогтар Башҡортостан Республикаһы Башлығы гранттары конкурсында еңеү яуланы. Был турала ҡала хакимиәте башлығы Эмиль Шәймәрҙәнов социаль селтәрҙәге сәхифәһендә хәбәр итте.

“Еңеүселәр араһында араһында – 69-сы балалар баҡсаһының өлкән тәрбиәсеһе Гуленина Наталья Валентиновна, “Умка” балалар баҡсаһының өлкән тәрбиәсеһе Фәйзуллина Гөлшат Фәнис ҡыҙы, 31-се балалар баҡсаһы тәрбиәсеһе Бойко Мария Евгеньевна һәм 62-се балалар баҡсаһының уҡытыусы-логопеды Солтанова Розалина Азамат ҡыҙы. Һәр педагогтың грант күләме 575 мең һум тәшкил итә. Был мәктәпкәсә белем биреү системаһында мөһим инновация проекттарын бойомға ашырырға булышлыҡ иткән әһәмиәтле ярҙам”, – тип яҙа ҡала мэры Эмиль Владиславович.

Педагогтарҙы еңеүҙәре менән ысын күңелдән ҡотлайбыҙ һәм артабан да һөнәри уңыштар теләп ҡалабыҙ!

Мәғлүмәт һәм фотолар - Э.Шәймәрҙәнов сәхифәһенән.