+30 °С
Болотло
Милли проекттар
8 Декабрь 2023, 11:16
Путин күрһәтмәһе Стәрлетамаҡ районында үтәлә
Стәрлетамаҡ районы Золотоношка ауылында бөгөнгө көндә 420 кеше йәшәй, шул иҫәптән 68 бала. Ауыл район үҙәгенән илле километр алыҫлыҡта ята, дауаханаға ла шул уҡ ара үтергә кәрәк тимәк. Ауылдың үҙендә медицина пункты булыуы был осраҡта көнүҙәк булып тора. Әлбиттә, урында фельдшер-акушерлыҡ пункты эшләп килә, әммә иҫкергән. Шуға уны яңыртыу ҙа – мөһим аҙым.
Путин күрһәтмәһе Стәрлетамаҡ районында үтәлә
Яңы ФАП-та төҙөлөш эштәре тамамланып та килә инде. Бина әҙер, әлеге ваҡытта эске эштәр, ҡорамалдар урынлаштырыу һәм тирә-яғын тәртипкә килтереү буйынса ваҡ мәшәҡәттәр генә ҡалған. Әйткәндәй, яңы пунктта ауыл халҡын Надежда Яценко дауалаясаҡ, ул 41 йыллыҡ тәжрибәһе булған фельдшер.
Бында пациенттар дауа, тәүге медицина хеҙмәтен алыуҙан тыш диспансеризация, вакцинация ла үтә аласаҡ.
Иҫегеҙгә төшөрөп үткәндә, Башҡортостанда тормошҡа ашырылған “Һаулыҡ һаҡлауҙың тәүге звеноһын модернизациялау” проектына быйыл төбәк бюджетынан 4 миллиард тан ашыу аҡса бүленде. Программа шул иҫәптән РФ Президенты Владимир Путиндың “Май указдары”на ярашлы, “Һаулыҡ һаҡлау” милли проекты буйынса ла башҡарыла.
Р.ҒӘБДРӘШИТОВ.
