+24 °С
Болотло
Яңылыҡтар
24 Август 2018, 09:42
Торт өҫтөндәге еләк
Өфөлә “Һөнәре буйынса иң яҡшыһы” Бөтә Рәсәй конкурсының төбәк этабында оҫта кондитерҙар билдәләнде. Уңғандар рәтендә Стәрлетамаҡ ҡыҙы ла бар. Икмәк комбинатынан Ольга ДЕЕВА өсөнсө урынға лайыҡ булды.
Башҡа ҡалаларҙан айырмалы булараҡ, Стәрлетамаҡта кондитер тауарҙарын йышыраҡ һатып алалар, сөнки тәм-том яраталар, тип ишеткән бар. Беҙҙә тәмле бешерәләр, шуға яраталарҙыр, бәлки. Быны һөнәри оҫталыҡ бәйгеһе һөҙөмтәләре лә раҫлап торғандай: ошо тиклем конкурсанттар – төрлө ойошма, ресторан һәм кафеларҙа эшләүсе оҫталар араһында тәүге баҫҡыстарға күтәрелеү еңел булмағандыр.
– Конкурстың шарттары буйынса, кондитерҙар үҙ шедеврҙарын әҙерләп күр-һәтергә тейеш ине, жюри ағзалары иһә килеп сыҡҡан аҙыҡтың тәменә генә түгел, уның матурлығына, ижади төҫмөр-ләү һәм бешереү таҙалығына ҡараны, – тип һөйләй Ольга үҙе бәйге хаҡында.
Беренсе урын булмаһа ла... Стәрлетамаҡ кондитерҙары араһында хәҙер Ольга Деева беҙгә торт өҫтөндәге еләк кеүек!
