Путин Камчаткала Ан-26 самолетының һәләкәткә осрауы сәбәпле ҡайғы уртаҡлашыу һүҙҙәрен еткерҙе.

Рәсәй Президенты Владимир Путин Камчатка крайы губернаторы Владимир Солодовҡа бортында 28 кеше булған Ан-26 самолетының ҡолауы сәбәпле ҡайғы уртаҡлашыу һүҙҙәре менән телеграмма ебәрҙе. Был турала Кремлдең сайтында хәбәр ителә.
Путин төбәк башлығынан һәләк булғандар ғаиләләренә һәм яҡындарына ҡайғы уртаҡлашыу һүҙҙәрен еткереүен үтенгән.
6 июль иртән Петропавловск-Камчатскийҙан Палана ҡасабаһына рейс башҡарыусы Ан-26 экипажы бәйләнешкә сыҡмай башлай. Самолеттың бортында 6 экипаж ағзаһы һәм 22 пассажир була. Көндөҙ ҡотҡарыусылар аэропорттан йыраҡ түгел Пятибратка сопкаһында һауа судноһының ватыҡтарын тапҡан.

Яңылыҡ һәм фото сығанағы: https://lenta.ru/
Фото: Алексей Никольский / РИА Новости