Ашҡаҙар
+19 °С
Болотло
Бөтә яңылыҡтар
Яңылыҡтар
6 Апрель 2022, 11:59

Юл иғтибарлыҡты талап итә.

Бөгөн Стәрлетамаҡ ҡалаһының Вокзал урамында  ике уҡыусы ҡыҙҙы машина төкөткән. Улар ауыр тән йәрәхәттәре менән дауаханаға оҙатылған.

Юл иғтибарлыҡты талап итә.
Юл иғтибарлыҡты талап итә.

Үҫмер ҡыҙҙарҙы «ВАЗ-21099» машинаһы йәйәүлеләр юл аша сыға торған урында тапаған.  Табиптар ҡыҙҙарҙың таз һөйәге һыныуын, баш мейеһенең һелкенеүен асыҡлаған. 
Юл хәрәкәте хәүефһеҙлеге дәүләт инспекцияһы хеҙмәткәрҙәре юл-транспорт ваҡиғаһы сәбәптәрен асыҡлай.
ЮХХДИ мәғлүмәттәре буйынса, йыл башынан алып республикала юл-транспорт ваҡиғаларында 17 бала зыян күргән.
Ҡаланың дәүләт автоинспекцияһы һеҙҙең һәр берегеҙҙең, водитель йәки йәйәүле булараҡ, юл хәрәкәте ҡағиҙәләрен теүәл үтәргә саҡыра. Юлда иғтибарлы һәм һаҡ булығыҙ!

Автор:Гулькей Куватова
Читайте нас: