Андрей Назаров спорт мәктәптәре директорҙарына автобус асҡыстары тапшырҙы

Уҡыу йорттарына автобустар «Спорт - норма жизни» проекты буйынса һатып алынды, тип хәбәр итәләр «Башинформ»ға Башҡортостан хөкүмәтенең матбуғат хеҙмәтенән. Бындай бәхет Өфөнөң 34-се спорт мәктәбенә, Башҡортостандың тау саңғыһы спорты һәм сноуборд буйынса олимпия резервы спорт мәктәбенә, Салауат һәм Иглин райондарының балалар һәм үҫмерҙәр спорт мәктәптәренә, шулай уҡ республиканың байдаркала һәм каноэла ишеү буйынса олимпия резервындағы мәктәбенә йылмайҙы.

Андрей Назаров Башҡортостандың дәүләт наградалары тапшырҙы. Евразия халыҡтары ассамблеяһы генераль секретаре һәм Бөтә донъя билбау көрәше ассоциацияһы президенты Әзизбәк Ғәниев Халыҡтар дуҫлығы ордены менән бүләкләнде. Евразия халыҡтары ассамблеяһының генераль секретариат етәксеһе Светлана Смирнова республика хөкүмәтенең Маҡтау ҡағыҙына лайыҡ булды.

https://bash.bashinform.ru/news/sport/2023-08-25/bash-ortostan-premier-ministry-andrey-nazarov-sport-m-kt-pt-re-direktor-aryna-avtobus-as-ystary-tapshyr-y-3405119