+20 °С
Болотло
Республика һулышы
19 Декабрь 2023, 10:59
Республикала аграрийҙар өсөн һалымдың нуль ставкаһы өс йылға һаҡлана — Хәбиров
Башҡортостан Башлығы Дәүләт Йыйылышына Мөрәжәғәтнамәһендә республикабыҙ аграрийҙарына ярҙам күрһәтеү өсөн берҙәм ауыл хужалығы һалымы буйынса нуль ставкаһын өс йылға оҙайтырға тәҡдим итте.
Республикала аграрийҙар өсөн һалымдың нуль ставкаһы өс йылға һаҡлана — Хәбиров
«Бының файҙаһы бар икәнен күрәбеҙ. Былтыр 500-ҙән ашыу ауыл хужалығы предприятиеһы һәм фермер хужалығы ошо льгота менән файҙаланды. Аграрийҙар 165 миллион һумдан ашыу аҡсаһын экономияланы, уны яғыулыҡ-майлау материалдары һәм техника һатып алыу өсөн тотондо.
Икенсеһе — киләһе йылдан ауыл хужалығы кооперативтары өсөн килем килтереүсе проекттарҙы бойомға ашырыу программаһын тергеҙәбеҙ, шул иҫәптән милли колоритлы фермер продукцияһы брендтарын танытыу өсөн.
Өсөнсөһө — «Башҡортостан» ҡошсолоҡ фабрикаһында бөтә ҡош-ҡортто юҡ итеүгә килтергән хәлде иҫәпкә алып, 2030 йылға тиклем ҡошсолоҡто үҫтереү республика программаһын әҙерләргә кәрәк», — тине Радий Хәбиров.
