+30 °С
Болотло
Республика һулышы
15 Ғинуар 2024, 10:58
Башҡортостанда 4 мең пилотһыҙ осоу аппараты етештереү планлаштырыла
Башҡортостанда пилотһыҙ осоу аппараттарын сериялы етештереү үҫешә. 2023 йылда республика предприятиелары меңдән ашыу БПЛА сығарһа, 2024 йылда тағы 4 меңгә яҡын етештереү күҙаллана. Был хаҡта Башҡортостан хөкүмәтенең оператив кәңәшмәһендә республика хөкүмәте премьер-министры урынбаҫары – сәнәғәт, энергетика һәм инновациялар министры Александр Шельдяев хәбәр итте.
Башҡортостанда 4 мең пилотһыҙ осоу аппараты етештереү планлаштырыла
Шул уҡ ваҡытта пилотһыҙ осоу аппараттарын ҡулланыу өсөн инфраструктура ла үҫешә. 2026 йылда уларҙы ергә төшөрөп ултыртыу өсөн ике майҙансыҡ булдырыу күҙаллана, 2030 йылға был һан 10-ға етергә тейеш. Сибайҙа һәм «Первушин» аэродром комплексында, шулай уҡ дронопорттар майҙансыҡ булып хеҙмәт итергә мөмкин. Уларҙы ҡулланыу өлкәһе лә киңәйә. Пилотһыҙ аппараттар ярҙамында гербицид һибеүҙе һынап ҡарағандар, барыуы ауыр булған райондарға медицина изделиеларын ташыу өсөн БПЛА файҙаланыу тураһында мәсьәлә өйрәнелә.
Бынан тыш, республикала пилотһыҙ аппараттар флоты ярҙамында хеҙмәт күрһәтәсәк төбәк операторын булдырыу планлаштырыла.
