+20 °С
Болотло
Республика һулышы
26 Апрель 2024, 11:13
Республикабыҙ Ырымбур өлкәһенән, Донецк һәм Луганск республикаларынан 2 мең баланы ҡабул итергә әҙер
Башҡортостан Ырымбур өлкәһенең ташҡындан зыян күргән райондарынан — 200, шулай уҡ Донецк һәм Луганск халыҡ республикаларынан ике мең баланы ҡабул итергә әҙерләнә. Уларҙы Мәләүез районының «Дуҫлыҡ» лагерына урынлаштыралар. Был хаҡта бөгөн хөкүмәттең оператив кәңәшмәһендә Башҡортостан Башлығы Радий Хәбиров белдерҙе.
Республикабыҙ Ырымбур өлкәһенән, Донецк һәм Луганск республикаларынан 2 мең баланы ҡабул итергә әҙер
«Ярҙам итербеҙ», — тип билдәләне Радий Хәбиров.
Башҡортостандың мәғариф һәм фән министры Илдар Мәүлетбирҙин һүҙҙәренәс, йәйге һауыҡтырыу кампанияһы осоронда республикаға, элекке йылдарҙағы кеүек үк, Луганск һәм Донецк балалары килә. Ведомство уларҙың Дондағы Ростовтан Өфөгә килеп ҡайтыу графигын әҙерләгән. Шулай уҡ балаларҙың ял иттереү һәм һауыҡтырыу ойошмалары билдәләнде.
Хәтерегеҙгә төшөрәбеҙ, әле Белгород өлкәһенән 500-гә яҡын бала Башҡортостанда. «Башинформ» агентлығы хәбәр иткәнсә, улар Илештең «Орлёнок» балалар сәләмәтләндереү лагерына һәм Әбйәлил районының «Берёзки» ял йортона урынлаштырылды.
