Өфөнөң Әр-Рәхим мәсетенә манаралар өсөн Грециянан мәрмәр килтерелде

- Күңелдә шатлыҡ һәм рәхмәт хистәре, сөнки беҙ тарихи ваҡиғаның шаһиттары булып торабыҙ. Тормошобоҙҙа ике бөйөк байрам - Ураҙа һәм Ҡорбан байрамдары бар. Тап һуңғы Ураҙа байрамы ваҡытында хөрмәтле Радий Фәрит улының тырышлығы менән Әр-Рәхим мәсете төҙөлөшө әүҙемләште. Бына бөгөн Ҡорбан байрамы алдынан мәрмәрҙең тәүге партияһын ҡаршы алабыҙ, - тип хәбәр итте мөфтөй Айнур Бирғәлин.

Хәтерегеҙгә төшөрәбеҙ, Радий Хәбиров Ураҙа байрамы уңайынан социаль селтәрҙәге сәхифәһендә Әр-Рәхим мәсетендә тикшеренеү һәм юридик эштәрҙең тамамланыуы, проект-смета документацияһын тулыһынса тергеҙелеүе һәм уның экспертиза үтеүе тураһында яҙғайны.

Мәсет төҙөлөшө барышын Башҡортостан мосолмандары Диниә назаратының рәсми ресурстарында күҙәтеп барырға мөмкин.

https://bash.bashinform.ru/news/social/2024-06-04/f-n-r-r-him-m-seten-manaralar-s-n-gretsiyanan-m-rm-r-kilterelde-3797509