Ашҡаҙар
+22 °С
Болотло
Бөтә яңылыҡтар

Өфөлә Салауат Юлаевтың 270 йыллығына бағышланған күргәҙмә асыла

11 июндә көндөҙгө 3-тә Башҡортостандың Милли музейында республикабыҙҙың милли геройы, шағир-импровизатор Салауат Юлаевтың тыуыуына 270 йыл тулыуға арналған «Салауат — мәңгелек батыр» тигән күргәҙмә асыла. Экспозиция заманса сәнғәттә батыр образын кәүҙәләндереү буйынса «Салауат — мәңгелек батыр» төбәк-ара конкурсы сиктәрендә үткәрелә.

Өфөлә Салауат Юлаевтың 270 йыллығына бағышланған күргәҙмә асыла
Өфөлә Салауат Юлаевтың 270 йыллығына бағышланған күргәҙмә асыла

Күргәҙмәлә Башҡортостан һәм Рәсәйҙең башҡа төбәктәре оҫталарының эштәре тәҡдим ителә. Йомғаҡлау күргәҙмәһенең нигеҙе — сәнғәттең төрлө төрҙәрендә: һынлы сәнғәттә, графикала, биҙәү-ҡулланма сәнғәтендә һәм башҡа техникаларҙа Салауат Юлаев образын художестволы асыу.

Экспозиция тамашасыларға милли герой образының күп яҡлылығын һәм тәрәнлеген күрергә, шулай уҡ төрлө рәссамдар һәм оҫталарҙың эштәрендә ошо образдың үҫешен күҙәтергә мөмкинлек бирә. Шулай уҡ бында сәнғәт әҫәрҙәре яҡындан менән танышыу, уларҙы авторҙарының ижады тураһында күберәк белеү мөмкинлеге бар.

6+

Автор:
Читайте нас: