Радий Хәбиров республика йәштәре өсөн күберәк байрамдар уҙғарырға тәҡдим итте

«Мин шунсама йәштәрҙе күптән күргәнем юҡ ине. Барыһының да йөҙөндә — бәхетле йылмайыу. Ишембай районынан һәм «Патриот» паркынан бер аҙ арып ҡайтҡаным, ләкин байрам кәйефенә сорналғас, арығанлыҡ ҡул менән һыпырып алғандай юҡ булды. Йәштәрҙән көс-дәрт алып, ҡәнәғәт күңел менән ҡайтып киттем», - тине Радий Хәбиров.

Республика Башлығы үҙенең хакимиәте етәксеһе Максим Забелинға ҡала-райондарҙа йәштәр өсөн сараларға анализ яһарға ҡушты һәм бындай байрамдарҙы күберәк үткәрергә кәрәклеген билдәләне.

Йәштәр сәйәсәте буйынса дәүләт комитеты рәйесе Вито Сабиров һүҙҙәренсә, сара төнгө 11-ҙә дискотека менән тамамланған.

«Бер нисә тематик зона эшләне, мәҙәни программа булды, төрлө оҫталыҡ дәрестәре уҙғарылды. Бөтәһе 50 майҙансыҡ эшләне», - тип билдәләне Вито Сабиров.

https://bash.bashinform.ru/news/social/2024-07-01/radiy-h-birov-bash-ortostan-y-sht-re-s-n-k-ber-k-bayramdar-u-aryr-a-t-dim-itte-3830365