Өфөләрҙе һәм баш ҡала ҡунаҡтарын беренсе «Толоп Фест» байрамына саҡыралар

Өфө мэрияһында белдереүҙәренсә, «Толоп Фест» — ҡышҡы кейемгә баҫым яһап, Башҡортостан ҡышы, уның бай традициялары һәм үҙенсәлекле мәҙәниәте донъяһына сумыу. Быуаттар буйына ата-бабаларыбыҙ сатлама һыуыҡтарҙа толоп, быйма кейеп, йылы шәлдәргә уранып йөрөгән.

Сарала ҡатнашыусыларҙы бай программа көтә, унда һәр кем күңеленә хуш килгән уйын табырға мөмкин: быйма кейеп йүгереү, футбол уйнау, уҡтан атыу, быйма ырғытыу һәм башҡалар. 

«Йылы» сара «Нефтехимиктар» мәҙәниәт һәм ял паркында 31 ғинуарҙа сәғәт 11-ҙә башлана. Өфөләргә фестивалгә толопта, быймала, йылы шарф урап килергә кәңәш бирҙеләр.

0+

Башинформ.