+17 °С
Облачно
Республика һулышы
1 Июня , 17:12
Башҡортостандың Сауҙа-сәнәғәт палатаһы хоккей командаһы Крутов кубогын алды
1 июндә Хөкүмәттәге оператив кәңәшмәлә Радий Хәбиров Башҡортостан Сауҙа-сәнәғәт палатаһының хоккей командаһы вәкилдәренә дәүләт наградаларын тапшырҙы.
Башҡортостандың Сауҙа-сәнәғәт палатаһы хоккей командаһы Крутов кубогын алды
Май айында «Сириус» федераль биләмәһендә Башҡортостан Сауҙа-сәнәғәт палатаһының хоккей командаһы Төнгө хоккей лигаһының хәл иткес матчында, 2:0 иҫәбе менән еңеп, Крутов кубогына лайыҡ булды, тип хәбәр итте төбәк етәксеһе.
– Был еңеү Башҡортостанға тәүге тапҡыр Төнгө хоккей лигаһының төп призын алып килде. Беҙҙең өсөн айырыуса ваҡиға, – тип билдәләне Радий Хәбиров.
Был һөҙөмтәләре өсөн республика Сауҙа-сәнәғәт палатаһының һәүәҫкәр хоккей командаһы баш тренеры Роберт Мурдускин, баш тренер ассистенты Евгений Коврацкий һәм команда капитаны Артур Хисаметдинов Башҡортостан Башлығының рәхмәт хаттары менән билдәләнде.
