+13 °С
Облачно
Республика һулышы
29 Июня , 15:37
2027 йылда Башҡортостанда 152 йәмәғәт биләмәһе төҙөкләндереләсәк
2027 йылда Башҡортостанда «Уңайлы ҡала мөхитен булдырыу» федераль проекты буйынса 152 йәмәғәт биләмәһен төҙөкләндереү күҙаллана, ошо маҡсатта 1 миллиард һумдан ашыу федераль средстволар йүнәлтергә ниәтләйҙәр. Был хаҡта Башҡортостан Башлығы Радий Хәбировтың Хөкүмәттәге оператив кәңәшмәһендә республиканың торлаҡ-коммуналь хужалыҡ министры Ирина Голованова хәбәр итте.
2027 йылда Башҡортостанда 152 йәмәғәт биләмәһе төҙөкләндереләсәк
Программа «Тормош өсөн инфраструктура» милли проекты сиктәрендә тормошҡа ашырыла. 2019 йылдан республикала уның һөҙөмтәһендә 976 йәмәғәт биләмәһе төҙөкләндерелгән һәм федераль бюджеттан 8,7 миллиард һум йәлеп ителгән.
2027 йылда төҙөкләндереү йәһәтенән иң популяр объект Өфөнөң Киров районындағы Салауат Юлаев исемендәге майҙан буласаҡ, уның өсөн 40 меңдән ашыу кеше тауыш биргән. Бында йәйәүлеләр юлдарын яңыртыу, йәшелләндереү эштәре, яңы бәләкәй архитектура формалары ҡуйыу, яҡтыртыу системаһын яңыртыу һәм фонтанды ремонтлау планлаштырыла.
Икенсе урында – Өфө балалар филармонияһы алдындағы биләмә. Ул 39 меңдән ашыу тауыш йыйған.
Лидерҙар иҫәбендә шулай уҡ – Өфө районының Зубов ауылында Ҡарлы урамындағы парк, Нефтекамала Комсомол урамындағы аллея һәм Салауатта Дзержинский урамындағы аллеялар.
Хәтерегеҙгә төшөрәбеҙ: 2026 йылда программа буйынса 153 йәмәғәт биләмәһе төҙөкләндерелә. Эштәр бөтә объекттарҙа ла башланған һәм раҫланған графикка ярашлы башҡарыла.
https://glavarb.ru/ba/news/event/2027-yylda-bashortostanda-152-ymt-bilme-tklnderelsk/
