+18 °С
Облачно
Республика һулышы
9 Сентября , 12:18
Кушнаренко гимназияһының директоры һәм завучы эштән бушатылған
Башҡортостанда уҡыусыларҙың береһе иптәшенә бысаҡ менән сәнскән Кушнаренко гимназияһы директоры һәм тәрбиә эштәре буйынса урынбаҫар эштән бушатылған. Был хаҡта республиканың мәғариф министры Илдар Мәүлитбирҙин хәбәр итте.
Кушнаренко гимназияһының директоры һәм завучы эштән бушатылған
Уның һүҙҙәренсә, был хәлдән һуң мәктәптәрҙә хәүефһеҙлек саралары көсәйтелгән.
Хәтерегеҙгә төшөрәбеҙ, 2 сентябрҙә Кушнаренко гимназияһында дәрестә уҡыусыларҙың береһе класташын бысаҡ менән йәрәхәтләгән. Һуңыраҡ улар араһында оҙайлы конфликт булыуы асыҡланды. Ә мәктәп етәкселеге был фактты йәшереп ҡалырға тырышҡан, уны хәл итеү өсөн бер ниндәй ҙә саралар күрелмәгән.
Башҡортостан Башлығы Радий Хәбиров хөкүмәттең оператив кәңәшмәһендә директорҙы һәм завучты эштән бушатыуҙы талап итте.
Башинформ.
