Дәүләт Думаһы эшләп йөрөгән пенсионерҙарҙың пенсияһын арттырыу тураһында закон проектын хупланы

2025 йылдан эшләгән пенсионерҙарҙың страховка пенсияһын йыл һайын арттырыу планлаштырыла. Ҡануниәттәге үҙгәрештәрҙе ғәмәлгә ашырыу өсөн өҫтәмә бюджет ассигнованиелары талап ителә. 2025 йылда улар - 96,45 миллиард, 2026 йылда иһә 177,03 миллиард, 2027 йылда 260 миллиард һум тәшкил итер тип көтөлә.

«Башинформ» хәбәр иткәнсә, Рәсәй Федерацияһы президенты Владимир Путин Петербург халыҡ-ара иҡтисади форумының пленар сессияһында киләһе йылдың февраленән эшләп йөрөгән пенсионерҙарҙың пенсияһын индексациялау тәҡдимен индергәйне. 2025 йылдың 1 февраленән башлап йыл да хаҡлы ялдағыларға ғына түгел, эшләүен дауам иткән пенсионерҙарҙың пенсияһы ла арттырыла.

https://bash.bashinform.ru/news/social/2024-06-25/d-l-t-duma-y-eshl-p-y-r-g-n-pensioner-ar-y-pensiya-yn-arttyryu-tura-ynda-zakon-proektyn-huplany-3822658