Әсәлек капиталын торлаҡ займдарын ҡаплауға йүнәлтергә рөхсәт ителде

Республика Социаль фондының матбуғат хеҙмәтенән хәбәр итеүҙәренсә, әсәлек капиталы иҫәбенә торлаҡ һатып алырға мөмкин, ләкин ул йәшәргә яраҡлы тип табылған һәм торлаҡҡа ҡуйылған талаптарға тап килгән осраҡта ғына. Бындай документты муниципалитеттарҙа булдырылған ведомство-ара комиссиялар бирә.

Әҙер йорт йәки уның бер өлөшөн һатып алырға була. Бинаны баһалау милексенең ведомство-ара комиссияға яҙған ғаризаһы буйынса башҡарыла, ғаризаны ҡарау ваҡыты – 30 көн. Баһалау процедураһы һәм өйҙөң талаптарға тап килеүе тураһында һығымта биреү бушлай.

Һығымта алғандан һуң сертификат хужаһы Социаль фонд бүлексәһенә әсәлек капиталы аҡсаһын тотоноу тураһында ғариза тапшыра ала.

Әйткәндәй, торлаҡ мәсьәләләрен хәл итеү әсәлек капиталын файҙаланыуҙың иң популяр йүнәлештәренең береһе булып ҡала. 2024 йылда Башҡортостанда 17,5 мең сертификат хужаһы аҡсаны торлаҡ шарттарын яҡшыртыуға йүнәлткән.

Рәсәйҙә әсәлек капиталы күләме 2026 йылдың 1 февраленән беренсе балаға 728 921,9 һум һәм ике һәм унан күберәк балаға 963 243,17 һум тәшкил итә.

Сығанаҡ.