+30 °С
Болотло
Тәбиғәт һәм беҙ
10 Июль 2023, 07:26
Республикала аномаль эҫелек ҡасан тамамланыр?
Башҡортостанға аномаль эҫе көндәр килде. Әле республика антициклон үҙәгендә, шуға күрә алдағы көндәрҙә һауа температураһы +39, +40 градусҡа тиклем күтәрелә.
Республикала аномаль эҫелек ҡасан тамамланыр?
Башгидрометүҙәк мәғлүмәттәре буйынса, аҙна уртаһында температураның ҡапыл түбәнәйеүе көтөлә. Шаршамбы, 12 июлдә, көн болотло була һәм ямғыр яуа. Һауа температураһы көндөҙ +31, төндә +20 градусҡаса күтәрелергә мөмкин.
Кесе йома, 13 июлдә, көндөҙ +24, ә төндә 18 градус. Ҡыҫҡа ваҡытлы ямғыр яуыуы ихтимал.
Йома, 14 июлдә, синоптиктар көндөң аяҙлы-болотло булыуын һәм ямғыр яуыуын вәғәҙәләй. Көндөҙ +22, төндә +15 градус.
Ял көндәрендә, 15 һәм 16 июлдә, һауа температураһының көндөҙ +25, +26, төндә +17, +18 градус булыуы көтөлә.
Башинформ.
Фото из открытых источников.
