Ҡаҙҙар ҡарҙа ҡойонһа... (Һынамыштар)

2 ноябрь ергә ҡар ҡоро төшһә, ә ағастар япраҡ ҡойоп бөтмәгән булһа, ул тиҙҙән ирей.

5 ноябрҙә ҡар йәки ямғыр яуһа, өс аҙнанан ҡар ята

9 ноябрҙә бәҫ ҡунһа, алдағы көндәр – һыуыҡ, томан булһа, йылы булыр.

Көн аҙағында ваҡ ҡына боҙ яуһа, ҡыш һыуыҡ булыр.

Беренсе ҡар көндөҙ яуһа – ҡыш һыуыҡ, төндә яуһа – йылы килер.

Йорт ҡоштары баштарын ҡанаттары аҫтына йәшерһә, көн һалҡынайыр.

Ҡаҙ-өйрәктәр ҡарҙа ҡойонһа, көн йылыныр, буран булыуы ихтимал.

Ҡырмыҫҡалар бейек иләү яһаһа – һалҡын ҡышҡа.